Бременоста ќе помине на полесен или потежок начин но после породувањето што ќе се случува дома?? Курсот е најпаметното нешто што можев да го направам пред се за мене а потоа и за Бебко. Прво што бев уверена дека ќе се породам природно, но мораше итен царски со плус операција за миомектомија, но во тој момент знаев дека е тоа најдобро за мене и за него, Сандра секогаш напоменува да не се разочаруваме во тие моменти бидејки тоа е за доброто на нашите бебенца. Иако имам 2 постари сестри и 4 внуци кои пораснаа со мене, бебето дома е сосема друга приказна. Фала ти Сандра што од првиот ден ми даде сигурност дека знам што правам. Иако бев со царски и речиси цело време дома сама со сопругот без никаква помош од некој поискусен бев сигурна дека добро се справувам со се, а тоа нема цена. Од тоа каква боја треба да кака бебето (да не беше курсот никогаш немаше да знам) до тоа колку пеленки на ден е нормално да има бебче за да знам дека е секогаш најаден па се до тоа колку се важни ноќните подои.Како да се третира попачето, како да го држиме за бањање, позициите и техниките за доење, никој никогаш не ве учи на тоа. 7 дена бев во болница и вистина е дека никој не ми кажа како треба да се намести ареолата и убаво да се провери фатот на бебето, а тоа е основата за добро цицање, основата за убаво нахрането бебенце, мирно спокојно, бебе што ќе може да цица колку сака и да расте правилно. Успешно цица веќе 15 месеци, 6 месеци беше на ексклузивно доење и иако сите околу мислеа дека му треба дохрана од 4от месец знаев од курсот дека потребата за храна и вода со цицањето се задоволени. Многу малку треба за да станеме подобри родители за нашите деца особено во време кога се ни е достапно. Браво Сандра и ти благодарам за курсот.

Мама Надица