Не е обука иако ќе има и такви елементи 😊 идејата е да имаме место и поддршка со луѓе слични на нас да го ставиме знаењето кое веќе го имаме на темата во дневна практика (како човек кој има 18+ години искуство во едукација на ГОЛЕМИ знам дека најголемиот предизвик не е незнаењето туку незаживувањето на знаењето во дневна практика, а за тоа си требаме, ние луѓето сме социјални учачи 😊).

Додека постои КЛУБОТ можеш да бидеш и ти член во него, а се надевам дека тоа ќе биде ДОЛГОООО, се додека чувствуваш дека имаш вредност од ова дружење, размена, поддршка, учење, заедничко решавање на ситуации (народно познати како проблеми) можеш да го продолжувате месечното членство. Во текот на месецот нема да ти одзема ни многу време ни многу пари, а ќе ти биде партнер во доследно заживување и продлабочување на знаењето.

Претплатата избери ја сам/а, по името на Кампањата #ЛиченИЗБОР, направи избор за цената која највеќе одговара за тебе, независно уплатата материјалот и уживањето е за сите еднаков (целта е да се зголеми достапноста за сите, финансиите да не се изговор, секој којшто го чита/гледа ова да може да си дозволи некоја, ако не и секоја од претплатите). Оние кои ќе се одлучат за претплата 2 или 3 дополнително ќе имаат можност да направат додадена вредност во промоција на Кампањата #ЛиченИЗБОР во училиштата/градинките, книгата #родителиЗАродители и EСrowd.mk платформата за да бидеме поддршка на децата кои имаат итна потреба. И да, можете да направиме и промена на претплатата да почнете со една па да поминете на друга независно дали нагоре или надолу 😊.

Секогаш барам добро друштво, а знам дека и други го бараат, затоа што не е секогаш лесно да си сам на маса со некои свои размислувања, како што е на пример личен развој на детето и себеси во исто време, уште познато како развивање на GROWTH mindset vs. FIXED mindset. Па решив во склоп на Кампањата #ЛиченИЗБОР да покренам и КЛУБ за Родители кој ќе биде такво друштво.

Точно тоа е идејата на овој КЛУБ, повеќе од сигурно ми е јасно дека ние родителите и покрај најдобрите желби и намери, сепак не успеваме да направиме сѐ што сакаме независно што знаеме, денот има само 24 часа. Ова ќе биде сигурно место на кое ќе можете да се добиете инспирација, поттик, идеја... од мене/други родители слични на мене/тебе кои сакаат повеќе за своето дете и за себе, кои знаат дека можат повеќе и за своето дете и за себе. Во КЛУБОТ може да учествуваш и со тоа што само ќе следиш, читаш и сам/а ќе рефлектираш, вредноста секако ќе биде голема иако лично верувам колку повеќе се вложиш толку повеќе и ќе добиеш, но можеби важни тоа за изразените екстроверти како мене 😊.

Овој КЛУБ е on-line за да може да се вклучат сите од секаде, да нема просторно ограничување или просторно оправдување.

#родителиЗАродители е иницијатива која почна уште во 2019 како дел од е-книгата „Како да станеме и останеме среќни родители“. Во неа беа повикани сите родители да ги споделат нивни успешни практики (tips & tricks) во родителувањето со другите родители. Целта беше кога ќе се најдеш во некоја ситуација да погледнеш во иницијативата #родителиЗАродители за идеја/инспирација за справување со твојата ситуација. Има простор и за формализирање на оваа иницијатива, а КЛУБ-от ќе биде место во кое ќе се родат и многу успешни практики (tips & tricks) кои потоа ќе ги сместиме во книга. Автори на оваа книга ќе бидат македонските родители т.е. секој којшто ќе даде tip & trick за родителување ќе се потпише на истиот онака како што сака (име презиме, само име, инстаграм профил, псевдоним итн.), авторството е негово. Детали за иницијативата ѕирнете во ова едноминутно видео https://www.youtube.com/watch?v=gB2y6hdfyLU&list=PLhHNWR55axxRIee7xu5XbQe8UBFzBWhpR&index=1.

Супер, им се радувам од ♥ на сите твои прашања и ги очекувам на меил [email protected].